Рекурентни респираторни инфекции и кашлица – нормална појава и стапка на морбидитет кај децата

Инфекциите на респираторниот тракт се меѓу најчестите болести во детството. За повторливи респираторни инфекции станува збор кога има појава на повеќе од 6 инфекции кај децата под шест години.

Во првите 6-12 месеци – детето ги употребува заштитните антитела добиени од мајката пред раѓањето, затоа што неговите се уште не се целосно развиени. Првиот контакт со другите деца (градинка, училиште) носи и изложеност на различни заразни болести од другите деца во групата.

Децата под петгодишна возраст главно страдаат од вирусни инфекции. По влегувањето во училишна возраст доминираat бактериски инфекции.

Рекурентните респираторни инфекции се многу вообичаени.Тоа се пред се инфекции на горниот респираторен тракт (нос и параназалните синуси, средното уво, тонзилите и грло), додека на долниот респираторен тракт забележуваат кај околу 10 до 30 проценти од децата.

Повторливи но благи инфекции – особено на горниот респираторен тракт (на пример, настинка) – се чести во детството и кај повеќето деца не е потребна дополнителна медицинска терапија со антибиотици.

Koлку често заболуваат децата?

Помали деца (1-5 години)

6-8 епизоди на респираторни инфекции со блага клиничка слика и се разбира со добар одговор на конвенционалната терапија во есенските и зимските месеци

Постари деца (6-12 години)

6-8 епизоди на респираторни инфекции со блага клиничка слика и се разбира со добар одговор на конвенционалната терапија во есенските и зимските месеци.

-авторски текст, не смее да се користи за комерцијални цели и/или реемитување-

Д-р Билјана Јованоска Димитровска е родена на 29.09.1979 во Прилеп. Високо образование завршува во 2006 г. на Медицинскиот факултет при „Тракиски универзитет“, Стара Загора, Република Бугарија. Со тоа се здобива со титулата доктор на медицина. Работно искуство: Од 8 февруари, Веледрогерија Фармас МН - медицински претставник на Фармамед-Босна; Од 1 февруари, во Веледрогерија Фармас МН - медицински претставник на Медис - Словенија; Од 3 Јуни 2008, во Геопром – Скопје, како медицински претставник - маркетинг менаџер; Од 16 април 2008 до 2 јуни 2008, во ПЗУ Кумамед - Куманово, како матичен лекар; Од 15 февруари 2007 до 15 април 2008, во ПЗУ Еуромедика, с.Матејче, како матичен лекар; Од 19 мај 2006 до 19 јуни 2006, во ПЗУ Интергин како волонтер во ординација по општа пракса. Дополнителни професионални активности: Од април 2006, активист на Црвен крст при Општина Кисела Вода, како факултативен предавач и член на испитна комисија за прва помош на возачи. Учество на професионални курсеви: Курс за едукација на лекари по прва помош, 14 Април 2006, Скопје, Македонија; I Конгрес на асоцијацијата на лекарите по општа и фамилијарна медицина на Југоисточна Европа, 2006 г. Професионални публикации: „Интеграција на менталното здравје во превенција на хроничните заболувања – логички модел“, I Конгрес на асоцијацијата на лекарите по општа и фамилијарна медицина на Југоисточна Европа, 2006 г.; „Хроничен отитис медиа - микробиолошки наоди“, Балкански весник на отологија и невро-отологија, 2002 г.; „Воспаление на средното уво и дисфункција на Ефстахиева туба во врска со алергиски ринитис“, Балкански весник на отологија и невро-отологија, 2001 г.; „Рано откривање на рак на дојка, нашето искуство“, ХХ Симпозиум за едукација на лекарите по општа пракса на Република Македонија, 2005 г. Огромно е задоволството да се знае и посетува веб-страна како Доктори.мк, која е единствена од ваков вид. Уште поголемо е задоволството да се придонесе за здравствената едукација на македонскиот веб-простор со сопствена статија. Навистина е чест да бидам дел од тимот на Доктори.мк. Да продолжиме во истиот дух!