Мажите и оралната хигиена

Оралната хигиена е подеднакво важна како за мажите така и за жените. Оние мажи кои почесто ги мијат забите имаат помал ризик од настанувањето на проблеми со ерекцијата, за разлика од мажите кои воопшто не се грижат за своето орално здравје. Резултатите од едно ново истражување покажале дека мажите кои имаат воспаление на гингивата т.е. гингивитис, имаат и три пати повеќе ризик од настанување на проблеми поврзани со ерекцијата. Спротивно на ова, турските научници откриле дека 53% од оние мажи кои имаат еректилна дисфункција исто така имаат и воспаление на непцата.

Лошата орална хигиена ги зголемува шансите за да настанат проблеми со ерекцијата. Се смета дека проблеми со еректилна дисфункција имаат повеќе од 150 милиони мажи во светот. Кај две третини од нив еректилната дисфункција се јавува како последица од физички фактори. Кај останатите се јавува како последица од емотивен стрес или депресија. Хроничниот периодонтитис претставува инфективно заболување кое е предизвикано од бактерии и најчесто настанува при гингивитис. Многу од истражувањата покажале дека хроничниот периодонтитис може да предизвика васкуларни заболувања кои се поврзани со проблемите со ерекцијата.

Затоа мажи бидете внимателни и водете поголема грижа за вашето орално луѓе!

-авторски текст , не смее да се користи за комерцијални цели и/или реемитување-

Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!