Најчесто поставувани прашања и одговори за дете од 13 – 36 месеци

Продолжуваме со рубриката “Здрава насмевка за среќно дете”. Овој пат ви даваме одговор на најчесто поставуваните прашања во врска со децата кои се на возраст од 13 до 36 месеци.

 

Какви стоматолошки проблеми може да има детето?

Најважната причина за да се спречат стоматолошките проблеми е да се почне со темелна програма на превенција. Проблемите со забите може да се појават многу рано. Голема е веројтноста од појава на кариес уште во раното детство познат како baby bottle caries.

Од која причина може да настане кариес?

Главна причина за настанувањето на кариесот во раното детство, освен генетската предиспозиција, претставува консумирањето сокови, вештачко млеко, обично млеко и мајчино млеко или некоја друга течност која содржи јаглени хидрати кои остануваат на забите подолго време. Затоа хигиената на устата е НАЈВАЖНА  уште од самото раѓање.

Дали е штетно за забите доколку детето се храни со млеко или сок во шише во текот на ноќта?

Најштетно за забите на малото дете е доколку се храни од шише за време на сиењето или во текот на ноќта или доколку континуирано се дои. Во текот на ноќта кога имаме малку повисока температура во устата Јаглените хидрати кои ги содржат млекото и соковите под дејството на бактериите се разложуваат до киселини кои ги нагризуваат забите и предизвикуваат појава на кариес.

Како може да се спречи појавата на кариес?

Потребно е да го научите и поттикните детето да пие од чаша и тоа пред првиот роденден.  Децата не треба да заспиваат со шише млеко. Доењето во текот на ноќта исто така треба да го избегнувате веднаш после избивањето на првото запче. И пиењето сок од шише треба да се избегнува, а доколку детето сака сок, нека биде тоа од чаша.

Кога треба да престанеме со хранење од шише?

Децата треба да се одвојат од шишето во периодот од 12 – 14 месечна возраст.

-авторски текст, не смее да се користи за комерцијални цели и/или реемитување-

Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!