Пролетно чистење на организмот – втор дел

Новото и најочекувано годишно време кај секого раѓа природна потреба за целосна промена. Од животните навики, начинот на облекување, грижата за изгледот и негата на телото и кожата, па се до опкружувањето, пролетта е време на обнова и будење на животната енергија.

Пролетта е  најважниот период за детоксикација на телото. Детоксикацијата стана многу значајна во денешно време кога се околу нас е полно со токсини, а со чистењето на организмот се спречува токму насобирањето на токсични материи во телото.

Иако телото си има свој сопствен систем за детоксикација, количеството на токсини на кои сме изложени преку храната и пијалоците што ги внесуваме, производите кои ги користиме за нега на кожата и воздухот што го дишeме го преоптоваруваат тој систем. Со добра детоксикација се намалува изложеноста на токсини и во организмот се внесуваат хранливи материи кои му помагаат на телото само да ја забрза елиминацијата на токсините.

Се што ни се случува во организмот, и здравјето и болеста доаѓа преку храната.

Внесувајќи здрава и квалитетна храна телесните клетки полесно ги исфрлаат штетните материи на чие место влегуваат квалитетните кои помагаат во создавање поздрави телесни клетки.
Планот за детоксикација на организмот може да се започне со елиминирање на токсичните продукти од Вашето секојдневно мени.

Прочистување на телото во три дена

Во продолжение ќе Ви претставиме неколку начини кои ќе Ви бидат од голема корист при одлуката да го прочистите Вашиот организам. Не заборавајте дека здравите навики на исхрана и редовното вежбање не се значајни само во процесот на детоксикација, туку се од пресудно значење за секој оној што сака за води здрав живот.

  1. За да се поттикне протокот на дигестивните ензими кои се движат низ Вашето тело потребно е првото утро да испиете 8 чаши топла вода.
  2. Со секој оброк во текот на денот внесете најмалку 3 порции овошје или зеленчук и интегрални житарки како кафеав ориз или интегрални снегулки.
  3. Во салатата ставете рибино масло или оцет. Ваквото масло дополнително ќе го забрза целиот процес на прочистување.
  4. Најмалку два дена од диетата употребувајте: свеж лук, црно грозје, чај од магдонос, сок од цвекло, сок од морков, сок од зеленчук, чај од невен, чај од камилица.
  5. За да бидете сигурни дека организмот прима доволно течност, пијте по 1-2 чаши вода на секои 2 часа.
  6. Времето е совршено за долга прошетка, возење велосипед или трчање. Секој тип анаеробни вежби Ви го опушта и обновува телото и на физичко и на ментално ниво
  7. Пред спиење испијте чаша чај од камилица кој ќе Ве доведе во состојба на релаксација која е неопходна за телото и умот во процесот на детоксикација

 

 

-авторски текст, не смее да се користи за комерцијални цели и/или реемитување-

Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!